د مهاجرینو چارو وزیر د فراه ولایت له مرستیال سره وکتل
د مهاجرینو چارو وزیر الحاج خلیل الرحمان حقاني او ورسره مل پلاوي فراه ولایت ته د خپل سفر په ترڅ کې د ددغه ولایت له مرستیال والي مولوي عبدالکریم جهادیار سره وکتل
په دغه ناسته کې د داخلي بې ځایه شوو په ستونزو، د وچکالۍ د اغیزو، د بشري مرستو په میکانیزم، شفافیت او په دغه ولایت کې د مهاجرینو چارو ریاست په کړنو او ګډې همکارۍ خبرې وشوې
ښاغلي حقاني د وچکالۍ د اغیزو کمولو لپاره د بندونو جوړول اړین وبلل او ژمنه یې وکړه، چې له اړونده ارګانونو او خیریه بنسټونو سره په همغږۍ به په دې اړه جدي اقدامات ترسره کړي، ترڅو د بېځایه کېدو مخنیوي کې ګټور تمام شي
