د مهاجرینو چارو وزارت مسلکي مرستیال کندهار کې د ښوونیزو او روغتیايي مرکزونو د کاري بهیر لیدنه وکړه
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد کندهار ولایت ته په خپل سفر کې د شپږو ښوونځیو او درېو روغتیايي مرکزونو د کاري بهیر لیدنه او څارنه وکړه.
دغه ښوونځي او مرکزونه د کندهار ولايت په بېلابېلو ناحیو کې دي، چې د مهاجرینو وزارت د هوکړه لیکونو پر بنسټ د ملګرو ملتونو د کډوالو عالي کمېشنرۍ په مالي مرسته د درې ميليونه ١٥ زره او ٩٤ امريکايي ډالرو په لګښت جوړېږي او ټاکل شوې، چې تر بشپړېدو وروسته به ډېر ژر ګټې اخیستنې ته وسپارل شي.
دغه راز ښاغلي راشد په کندهار ولایت کې د ښوونیزو او روغتیايي مرکزونو پر معیاري کېدو ټینګار وکړ.
