د مهاجرینو وزیر: راځئ چې دینې زده کړې له ټولو حقوقو سره زده کړو
د مهاجرینو او راستنېدونکو چارو وزیر الحاج خلیل الرحمن حقاني د دې وزارت په مسجد کې د اسلام مبارک دین ارشاداتو ته په اشارې سره وویل: شکر دی، چې مسلمانان یو او الله (ج) د لمانځه کولو توفیق راکړی، چې په ادا کولو سره یې په دنیا او اخرت کې بریا ته رسیږو.
ښاغلي حقاني په خبره: په لمانځه کې باید خاکساري او عاجزي ولرو او دیني زده کړې له ټولو حقوقو سره زده کړو. که چېرې زموږ لمونځونه سم وو؛ زموږ ټولې چارې به سمې وي او که چېرې لمونځونه مو غلط وو؛ ټولې چارې به مو شاته پاتې وي.
نوموړي همداراز زیاته کړه: اکبر جهاد دې ته وايي، چې اسلامي احکام پر خپل ځان او کورنۍ پلي کړو.
حقاني په لاښه بڼه د عبادت پر کولو، الهي احکامو ته پر غاړه اېښودلو او په خپلو دندو کې صادقانه اوسېدلو باندې ټینګار وکړ.
