د مهاجرينو چارو وزارت کې د بېځايه شوو د ملي پالېسۍ د تعديل او سمون په موخه ناسته ترسره شوه
د مهاجرينو او راستنېدونکو چارو وزارت د چارواکو، کار کوونکو او رئيسانو په شتون يکشنبه د مرغومي په (۴مه د بېځايه شوو د ملي پالېسۍ د تعديل او سمون په موخه ناسته ترسره شوه.
د مهاجرينو چارو وزارت مسلکي مرستيال مولوي عبدالرحمن راشد د بېځايه شوو ملي پالېسۍ طرحه د بېځايه شوو د اړتياو د حل لپاره مهمه وبلله اوپه ټول هېواد کې يې د نظام په بدلون سره په دغه پالېسۍ کې تعديل ضروري وبلله.
هغه زياته کړه، چې دا پالېسي يې په پام کې وه او د مهاجرينو چارو وزارت مرکزي او ولايتي رياستونو او ملي او نړيوالو ستکوري ادارو د نظرياتو په ترلاسه کولو سره به تعديل شي.
په دې ناسته کې د يادې پالېسۍ د تعديل د څرنګوالي په اړه د وزارت د مرکزي رياستونو نظريات تر بحث لاندې ونيول شول، چې له يووالي او نهايي کولو وروسته به رامنځ ته شوی تعديل او سمون د پالېسۍ په متن کې شامل شي.
