د مهاجرينو چارو وزارت مرستيال د باميانو ولايت د مهاجرينو ښارګوټو څخه ليدنه وکړه
د مهاجرينو او راستنېدونکو چارو وزارت مرستيال الحاج محمد ارسلاح خروټی باميانو ولايت ته د خپل سفر په ترڅ کې د تلې په (۱۹) مه د يکه ولنګ او دشت قشقه د مهاجرينو ښارګوټو څخه ليدنه وکړه.
د دغو ښارګو څخه د ليدنه موخه په ښارګوټوکې د اوسېدونکو د وضعيت څېړنه او د دوی ستونزو ته لاسرسی و.
د يکاولنګ ولسوالۍ د مهاجرينو ښارګوټي څخه د لېدنې پرمهال د دغه ښارګوټي اوسېدونکو حسين فياض په ښاګوټي کې د ښوونځي، روغتيايي مرکز، د پاکو اوبو د څښلو او د سرک د غاړې د استنادي ديوالونو د نه شتون يادونه وکړه او په دې برخه کې يې د مهاجرينو چارو وزارت څخه د پاملرنې غوښتنه وکړه.
د مهاجرينو او راستنېدونکو چارو وزارت مرستيال ښاغلي محمد ارسلاح خروټي د سيمې د اوسېدونکو ستونزې، نظريات او وړانديزونه واورېدل او په دې برخه کې يې د مهاجرينو او راستنېدونکو چارو وزارت د هڅو يادونه وکړه ويې ويل، چې د باميانو ولايت د مهاجرينو ښارګوټو ستونزې يې د وزارت د اړوندو ادارو سر څېړې او دهمکارو مرستندويه بنسټونو سره يوځای يې د حل په موخه کړنې ترسره کوي.
د ويلو ده، چې د دشت قشقه د مهاجرينو ښارګوټی په شبر ولسوالۍ کې موقعيت لري او د يکاولنګ د مهاجرينو ښارګوټی د باميانو ولايت مرکز سره نږدې موقعيت لري، چې (۲۷۰) د استوګنې نمرې لري، چې اومسهال پکې (۳۱۰) کورنۍ ژوند کوي.
