د مهاجرينو چارو وزارت او دريو موسسو ترمنځ دهمکاريو هوکړه ليکونه لاسليک شول
د ۳۵۸ زره او ۵۵۸ امريکايي ډالرو په ارزښت د مهاجرينو چارو وزارت او درېيو همکارو موسسو ترمنځ د همکاريو هوکړه ليکونه لاسليک شول.
د پياوړولو او بدلون له پاره د ژمنتيا موسسې سره د لاسليک شوي هوکړه ليک له مخې ياده موسسه به په ننګرهار او کونړ ولايتونو کې ۹۲ زره او ۶۵۰ ډالره ۴۵۰ تنو ته عامه خدمتونو ته د لاسرسي په برخه کې د ظرفيت لوړونې او د روزنيزو پروګرامونو په تنظيمولو کې لګوي.
د پياوړولو او بدلون له پاره د ژمنتيا موسسه به يو سلو ۹۸ زره او ۹۰۸ ډالره په کندز ولايت کې ۱۹۲۲ تنو ته د حرفوي زده کړو، کوچنيو سودا ګریو ، د اقتصادي فرصتونو په اړه د پوهاوي، د سيمه ييزو شوراګانو په رامنځته کولو او د داخلي بېځايه شوو د ستونزو په اړه د بحث د ګروپونو په جوړولو لګوي.
په همدې توګه د ماشومانو له پاره د المان کمېټه به ۶۷ زره ډالر په ننګرهار او کابل ولايتونو کې ۲ زره او ۸۰ کورنيو ته د حرفوي زده کړو او خوراکي توکو د وېش په برخه کې لګوي.
ياد هوکړه ليکونه د مهاجرينو چارو وزارت د مسلکي مرستيال مولوي عبدالرحمن راشد او يادو موسسو د استازو ترمنځ لاسليک شول.
