د مهاجرينو چارو وزارت اداري ناسته ترسره شوه
د مهاجرينو او راستنېدونکو چارو د وزير الحاج خليل الرحمن حقاني په مشرۍ د لړم په (۱۵) مه د دغه وزارت اداري ناسته ترسره شوه.
د ناستې په پيل کې ښاغلي حقاني د تېرې ناستې د پرېکړو او د هغې د تعقيب په اړه خبرې وکړې، او په دې اړه يې د ترسره شوو کړنو راپور د اړوندو څانګو د چارواکو څخه واورېده.
همدارنګه د رڼو او پروخت کړنو د ترسره کولو په موخه د داخلي پلټنو رياست ته دنده وسپارله، چې د مرکزي رياستونو اداري کړنې وڅېړي او پايلې يې په راتلونکې ناستې کې شريکې کړي.
د مهاجرينو او راستنېدونکو چارو وزير د مرکزي رئيسانو څخه غوښتنه وکړه، چې د خپلو رياستونو سره په ګډه د چارو د پلي کولو په برخه کې جدي عمل وکړي او ورسپارل شوي مسؤليتونه په شفاف ډول پرخپل وخت ترسره کړي.
په ناسته کې په يوشمېر نورو اداري مسايلو هم خبرې وشوې او په اړه يې لازم تصميمونه ونيول شول.
