د مهاجرينو په چارو کې د اړوندو ادارو د مسؤولينو ناسته د مهاجرينو وزارت کې ترسره شوه
د مهاجرينو په چارو کې د اړوندو ادارو د مرستيالانو ګډه ناسته د مهاجرينو چارو وزارت د مسلکي مرستيال په دفتر کې ترسره شوه.
په دې ناسته کې چې د مهاجرينو چارو وزارت مسلکي مرستيال مولوي عبدالرحمن راشد، د کرنې او مالدارۍ وزارت مرستيال مولوي فضل الباري فضلي، د روغتيا وزارت مرستيال ډاکټر محمد حسن غياثي، د کليو پراختيا وزارت مرستيال مفتي سيد احمد مستقيم او د سرې مياشتې ادارې مرستيال ملا صالح محمد آخندزاده په ګډون ترسره شوه، پکې د هغو مهاجرينو او راستنېدونکو د ستونزو د حل چې له پاکستان څخه په جبري توګه ننګرهار ولایت ته راستانه شوي وو او همدارنګه هغوی ته د کمپ د جوړېدو په اړه خبرې وشوې.
