د لغمان والي کډوالو چارو وزارت سرپرست وزير سره وليدل
د لغمان والي رحمت الله يارمل شنبه د تلې په ۵مه د کډوالو او راستنېدونکو چارو وزارت سرپرست او نوماند وزير نور رحمن اخلاقي سره ليدنه وکړه او ددغه ولايت د بېځايه شوو او راستنېدونکو پر وضيعت يې خبرې وکړې.
کډوالو وزارت سرپرست وزير په دغه ليدنه کې راستنېدونکو او بېځايه شوو وضعيت ته د رسيدو په په برخه کې وويل، د راستنېدونکو او داخلي بېځايه شوو د مديريت په برخه کې د وزارت او ولايتونو ترمنځ ګډ کار شتون لري، چې همغږۍ او غور بحث کولو او کار کولو ته اړتيا لري.
دا په داسې حال کې ده، چې په لغمان کې د ۳۹۰۰ په شاوخواکې بېځايه شوي چې له ډلې يې زر کورنۍ په روان کال کې بېځايه شوي دي.
د لغمان والي د دغه وزارت د کډوالو چارو رياست د ښو کارونو يادونه وکړه، او د بېځايه شوو او راستنېدونکو لپاره د ښه پاملرنې ژمنه وکړه ويې ويل، اړينه ده چې راستنېدونکو ته د ځمکې وېشلو پروسه اسانه کړي ترڅو دغصب مخنيوی وشي.
په ورته وخت کې ښاغلي اخلاقي ډاډ ورکړ چې د حقوقي ملاتړ په برخه کې کارکوي ترڅو د ځمکې دوېش پروسه هغه کسانو ته اسانه کړي چې اسنادونه يې طی مراحل کېږي.
همدارنګه د کډوالو او راستنېدونکو چارو سرپرست وزير ټينګار وکړ چې په نوي مالي کال کې به د لغمان ولايت دکډوالو چارو رياست ودانۍ په کاري پلان کې شامله کړي.
