د غزني کډوالو ښارګوټي کې د کډوالو چارو وزارت د ځمکو د وېش تخنيکي څېړنه بشپړه شوه
په هغه ناسته کې چې د غزني د کډوالو ښارګوټي د څېړنې ټيم د پايلو د وړاندې کولو په موخه جوړه شوې وه په کې د کډوالو چارو وزارت د تفتيش رييس وويل، چې په ياد ښارکوټي کې د ولسمشر د ۱۰۴ مه ګڼه فرمان حلاف له اووه زره څخه زياتې استوګنيزې نمرې وېشل شوي دي.
هغه رزياته کړه چې د ۷ زره او ۶۴۷ نمرې ځمکه چې په ۱۳۸۴ او ۱۳۸۵ کلونو کې په هغه ښارکوټي کې وېشل شوې وې د څېړنې لاندې ونيول شوې ، چې له يادې ډلې څخه يې ۱۹۹۵ نمرې ځمکه هغو کسانو ته ورکړل شوې ، چې د کډوالۍ او راستنېدنې هيڅ قانوني اسناد نه لري، چې د ولايت مقام د حکم ، د شهيدانو کارت، د معلولينو کارت او د کډوالۍ جعلي فورمونو له مخې وېشل شوې دي.
همدارنګه ۶۵۲ نمرې ځمکه هغو کسانو ته ورکړل شوې چې د راستنېدنې او بېځايه کېدنې اسناد لري، خو په سمه توګه نه دې طی مراحل شوي او د ولسمشرۍ په ۱۰۴مه ګڼه فرمان کې د ذکرشوي کمېسيون تاييد هم نه لري.
د کډوالو چارو وزير سيد حسين عالمي بلخي له امنيتي او عدلي بنسټونو وغوښتل د هغو کسانو دوسيې چې ددې وزارت په راپور کې په سر غړونه تورن دې ويې څاري ، نوموړي د ښارجوړونې او د ځمکو د اصلاح ادارې څخه هم غوښتنه وکړه د ولسمشرۍ په حکم کې د ذکر شوې مودې څخه خپلې څېړنې بشپړې او ولسمرۍ ماڼۍ ته د لېږلو لپاره يې چمتو کړي.
په ياده ناسته کې د ښارجوړونې او ځمکو د اصلاح ادارې ستازو وويل، چې ددوی تخنيکي ټيم سيمې ته لېږل شوی او څېړنې يې پیل کړي دي.
دغه ناسته د تېرې شنبې په ورځ د وږي په ۹مه په کډوالو چارو وززارت کې د ګډوالو چارو وزير سيد حسين عالمي بلخي او د ټاکلې کمېټې د غړو په شتون کې ترسره شوه.
د غزني ولايت د کډوالو ښارګوټي تخنيکي څېړنه د فساد پر وړاندې د مبارزې او په کډوالو چارو وزارت کې د رونتيا رامنځ ته کولوپه موخه مخکې ددغې ادارې له لورې ولسمشرۍ ماڼۍ ته وړانديز شوې وه ، چې د هغوی د حکم له مخې د ياد ښارګوټي تخنيکي څېړنه دوام لري.
