د داخلي بې ځایه شویو د شمېر د یوکېدا دویمه تخنیکي ناسته وشوه
د مهاجرینو چارو وزارت د مرستیال الحاج مولوي عبدالرحمن راشد په مشرۍ د ملګرو ملتونو د کډوالو د عالي کمېشنرۍ او د مهاجرت نړیوال سازمان د استازو په شتون کې د داخلي بې ځایه شویو د شمېر د یوکېدا په اړه دویمه تخنیکي ناسته وشوه.
په دې ناسته کې د داخلي بې ځایه شویو د شمېر او احصایې د يوکېدا او دوی ته پر رسېدنه خبرې وشوې.
د وزارت مسلکي مرستیال ښاغلي راشد د شمېر پر یوکېدا، بشري مرستو، ستونزو ته د ښې رسېدنې او د اسلامي امارت له قوانینو سره سم پر لا زیاتې همغږۍ ټینګار وکړ.
د کډوالو په چارو کې د ملګرو ملتونو د عالي کمېشنرۍ د حقوقي ملاتړ د څانګې مرستیالې مېرمن والري سوبو داوو وویل: موږ د یو ګډ هدف لپاره کار کوو، چې یوې وروستۍ او مثبتې پایلې ته ورسېږو.
دغه راز نوموړې له مهاجرینو چارو وزارت سره د کمېشنرۍ د همکارۍ او ستونزو ته د رسېدنې ډاډ هم ورکړ.
