د باميانو ولايت دکډوالو چارو آمريت خدماتي او اداري وضعيت وڅېړل شو
د کډوالو او راستنېدونکو چارو وزارت سرپرست او نوماند وزير نور الرحمن اخلاقي د لړم په ۲۶مه باميانو ولايت ته په خپل سفر کې، باميانو ولايت کډوالو چارو آمريت ته ولاړ او ددې آمريت خدماتي او اداري وضيعت يې وڅېړه.
په هغه ناسته کې چې د باميانو ولايت دکډوالو چارو امريت کارکوونکو سره وشوه د دوی ستونزوې او ننګونې د کوالو وزارت سرپرست وزير واورېدې او ددې امريت له کارمندانو يې غوښتنه وکړه چې په خپلو کارونوکې لا رښتني هڅې وکړي. نوموړي زياته کړه موږ د ټولنې ترټولو کمزري کشر سره سروکار لرو او دا موضوع ايجابوي چې د وزارت ټول کارکوونکي بايد بېځايه شوو، راستنېدونکو او اړمنوکورنيوسره په په رښتني توګه د انساني همدردۍ له مخې کار وکړي.
په دغه ناسته کې د راستنېدونکو او داخلي بېځايه شوو استازو هم شتون درلود او د کار موندنې او کورجوړونې ستونزې يې د کډوالو چارو وزارت د سرپرست وزير سره شريکې کړې او دکاري زمينې برابرول يې د کډوالو دهڅونې لپاره ګټور وبلل.
ښاغلي اخلاقي وويل: تاسې له حکومت څخه څرګندې ژمنې لرئ، دځمکو دوېش لپاره زمينه برابره شوې او راتلونکي کال کې به د ولسمشرۍ ماڼۍ د نوي فرمان سره سم مستحقو کورنيوته د نمرو وېشلو پروسه پيل شي.
