د افغان پناه غوښتونکو په اړه د سيمه ييزوحل لارو اوومه څلور اړخيزه ناسته وشوه
پرمختګ، ننګونې او د افغان کډوالو لپاره د سيمه ييزو حل لارو ستراتېژۍ پلې کولو په لاره کې پرمختګ او د دې ستراتېژۍ نه ملاتړ ددغې ناستې د بحث وړ موضوعاتو څخه وو.
دغه ناسته چې د تېرې پنجشنبې په ورځ د ميزان په ۱۰مه د مجازي اړيکو( زوم) له لارې په لاره اچول شوې وه، د افغانستان په استازيتوب د کډوالو او راستنېدونکو چارو سرپرست او نوماند وزير نور رحمن اخلاقي، د ايران په استازيتوب مهدي محمودي د کورنيو چارو وزارت مرستيال او دخلکو د ادارې رئيس،د فدرال ايالات وزير صاحب زاده محمد محبوب، د پاکستان په استازيتوب د سرحدونو څانګو او دملګرو ملتونو په استازيتوب د اسيا او اقيانوسيه سيمه ييز رئيس اندريکا راتوات په دغه ناسته کې ګډون کړی و.
د کډوالو او راستنېدونکو چارو وزارت سرپرست وزير په خپلو خبرو کې د کډوالو په خپله خوښه راستنېدنه، د غير منظمې کډوالۍ او دخلکو د بېځايه کېدنې کمولوپه موخه د افغان حکومت ژمنتيا څرګنده کړه او دنړيوالې ټولنې يې دهمکاريو غوښتنې يادونه يې وکړه، ويې ويل ددغو موخو د ترلاسه کولو لپاره؛ موږ هڅه کو، چې د وزارت نوې پنځه کلنه ستراتېژي ژمنوته ځواب ويونکي وي.
ښاغلي اخلاقي د ټينګار ترڅنګ د افغان پناه غوښتونکو د کارتونو د مودې غزولو په اړه وويل، چې بشري مرستې د راستنېدونکو لپاره د لومړنيو فرصتونو برابرولو لپاره حياتي دي او د پام وړپراختيايي تدابير په خپله خوښه ستنېدو لپاره مهم او جذبونکي عوامل دي.
هغه د کډوالو لپاره د سولې بين افغاني خبرې الهام بخښونکي وښودې او دظرفيتونود لوړولو او د راستنېدونکو د دوامداره فرصتونو په برخه کې يې د حکومت د هڅو يادونه وکړه.
د ايران او پاکستان دحکومتونو استازو افغان کډوالو ته دهغوی دخدمتونو يادونه وکړه او د راستنېدونکو دوامداره ادعام لپاره يې د ګډو هڅو پر اړتيا ټينګار وکړ او په نړيواله ټولنه يې غږ وکړ چې د دوی ملاتړ وکړي.
په ورته وخت کې دملګرو ملتونو د پناه غوښتونکو د اسيا برخې د دفتررئيس د افغان کډوالو د وضعيت ښه والي لپاره د ګډ کار کولو او هغوی ته د راستنېدو لپاره مناسبو شرايطو برابرولو بانډې ټينګار وکړ ويې ويل، د افغانانو دخپلې خوښې راستنېدنې اساس بايد دحل لارې د ستراتېژۍ د ملاتړ دميکانيزم پياوړي کولو سره اسانه شي.
د افغانستان په اسازيتوب، دحل ستراتېژۍ په پلي کولو کې پلانونه، لاسته راوړنې او پرمختګ په هر اړخيز ډول ټولنې ته وړاندې شو.
د ويلو ده چې د کډوالو په چارو کې د ولسمشر سلاکار، د ولسمشر د لومړي مرستيال استازي او دکډوالو چارو وزارت يوشمېر رئيسانو په دغه ناسته شتون درلود او په بحثونو او خبرو کې يې مهم رول ولوباوه. دغه ناسته په ګډه اعلاميه په برياليتوب سره پای ته ورسېده.
