دکډوالو چارو وزارت بېځايه شوو او راستنېدونکو ته د لاس رسي په موخه د همکاريو هوکړه ليک لاسليک کړ
ياد هوکړه ليک دکډوالو او راستنېدونکو چارو وزارت او د افغان کډوالو موسسې له لورې بېځايه شوو او راستنېدونکو ته ژوند د سطحې لوړولو او بېځايه شوو او راستنېدونکو ته د ښه لاس رسي په موخه لاسليک شو.
دغه هوکړه ليک د کډوالو او راستنېدونکو چارو وزارت دحقوقي ملاتړ رئيس او مسولې ادارې ترمنځ د تېرې پنجشنبې په ورځ د تلې په ۴مه په کډوالو چارو وزارت کې لاسليک شو.
د دغې هوکړه ليک د لاسليکولو موخه د شريکانو د همکاريو پياوړي کول، پروژو، اړمنو خلکوته د غوړه خدمتونو، ددوی د ژوند د شرايطو ښه کولو، دکډوالو څخه ملاتړ، داخلي بېځايه شوو او راستنېدونکو ته په وخت د مرستو رسول او اړمنو خلکو ته پروخت د غوره خدمتونو ترسره کول و.
د هوکړه ليک پر اساس به ذکر شوې موسسه دکډوالو او بېځايه شوو په برخه کې دخپلو پروژو د پلي کولو او دوی ته د فعاليتونو د ترسره کولو راپور دکډوالوچارو وزارت ته ورکوي او وزارت ته به دڅارنې زمينه برابروي.
