دکابل په قره باغ ولسوالۍ کې راستنېدونکو ته د کډوالو وزارت له لوري يو ښوونځی پرانيستل شو
د پرانيستې په دغه مراسموکې چې د کابل ولايت دقره باغ ولسوالۍ د اکاخېلو په کلي کې ترسره شو د کډوالو او راستنېدونکو چارو وزارت دپالېسۍ او پروګرامونو دپلي کېدو معين شېرعلم امله وال، دملګرو ملتونو دکډوالو ادارې (UNHCR) عملياتي مرستيالرئوف نازوو او د دواړو ادارو استازو شتون درلود.
دغه ښوونځي د ملګرو متلونودکډوالو ادارې په مالي لګښت د کډوالو او راستنېدونکو چارو وزارت په همغږۍ راستنېدونکو او داخلي بېځايه شوو ته پرانيستل شو.
د کډوالو او راستنېدونکو چارو وزارت د پالېسۍ او پرورګرامونو د پلي کېدو معين د پرانيستې په دغه مراسمو کې چې د غبرګولي په ۶مه ترسره شول د ملګرو متلونو دکډوالو ادارې د همکاريو يې مننه او کړه د يادې ادارې څخه يې راستنېدونکو او داخلي بېځايه شوو ته د ښوونځيو او روغتيايي مرکزونو دجوړېدو غوښتونکی شو ويې ويل: ديوې ټولنې بدلون په ښوونځيو ولاړ دی او اړتيا ته ده چې د افغانستان د اساسي تحول د بدلون لپاره د ښوونځيو جوړېدو او د راستنېدونکواو داخلي بېځايه شوو د نوي نسل ښوونې او روزنې ته ډېره پاملرنه وشي.
هغه دځايي خلکو نه هم غوښتنه وکړه چې دښوونځي د ساتلو او خپلو اولادونو لېږلو ته ډېره پاملرنه وکړي. په ورته وخت کې د ملګرو ملتونو دکډوالو ادارې (UNHCR) دکډوالو او راستنېدونکو چارو وزارت سره دهمکاريونه خوښي څرګنده کړه ژمنه يې وکړه چې په افغانستان کې د راستنېدونکو د بيايوځای کېدو په برخه کې به نور پلانونه پلي کړي.
