دپناه غوښتونکو مرستیال په انقره کې دملګرو ملتونو دکډوالو ادارې رییس سره لیدنه وکړه
د افغانستان د دولت پلاوي د کډوالو او راستنېدونکو چارو وزارت د پناه غوښتونکو مرستیال وافي الله کاکړ په مشرۍ ترکیې ته د خپل سفر پرمهال د ملګرو ملتونو د کډوالو عالي کمیشنرۍ (UNHCR) له مشر سره د دوه اړخیزه همکاريو دهوکړه لیک دلاسلیک په اړه په انقره کې لیدنه وکړه او په انقره کې د کډوالو وضعیت ، په سازمان کې د نظارت رول پیاوړي کولو اړتیا ، او په ترکیه کې د افغان مهاجرینو د وضعیت ښه چلند او ښه والي په اړه يې خبرې وکړې.
ښاغلي کاکړ لومړی د کډوالو دتنظیم او مدیریت په اړه د افغانستان او ترکیې تر منځ د هوکړه لیک په اړه خبر ورکړویې ویل: لکه څنګه چې د کډوالو مدیریت د دولتونو او نړیوالو سازمانونو ښکیلتیا ته اړتیا لري ، نو لازمه ده چې د ملګرو ملتونو د کډوالو عالي کمیشنر (UNHCR) په ترکیه کې د میشتو افغان کډوالو مدیریت او د دوی داوطلبانه راستنېدو څخه نظارت وکړي او د مسؤل حکومتونو او نهادونو سره د دوی وضعیت ښه کړي.
افغان حکومت هڅه کوي د ترکیې سره دهمکاریو هوکړه لیک کې د کډوالۍ په برخه کې د نړیوال سازمانونو د نظارت رول روښانه کړي او د کډوالو وضعیت ښه کولو لپاره له دوی سره کار وکړي.
همدارنګه دکډوالو چارو وزارت دپناه غوښتونکو مرستیال ټینګار وکړ چېث د ملګرو ملتونو کډوالو اداره د نړیوال کنوانسیونونو او د کډوالو د بشري حقونو له مخې په ترکیه کې مېشتو افغانانو لپاره د وضعیت د ښه والي لپاره غوښتنلیک غواړي.
