دمهاجرينو وزارت اداري ناسته ترسره شوه
دمهاجرينو او راستنېدونکو چارو وزارت اداري ناسته دمالي او اداري مرستيال او سرپرست محمد ارسلاح خروټي په مشرۍ د رییسانو،مسؤلينو او دکابل ولايت دمهاجرينو دريیس په شتون کې د مهاجرينو وزارت دناستو په تالارکې ترسره شوه.
په دغه ناسته کې چې دلړم په (١٢) مه ترسره شوه،د وزارت دفعاليتونو او اړمنو کورنيو ته د مرستو دوېش پر څرنګوالي پکې خبرې وشوې.
په ناسته کې مهاجرينو وزارت مالي او اداري مرستيال محمد ارسلاح خروټي د وزارت دتخنيکي برخې دفعاليتونو په همغږۍ ټينګار وکړ او په دې برخه کې یې اړوندو مسؤلينوته لارښونې وکړې.
همدارنګه هغه وويل:بېوزلو او اړمنو کورنیو ته د مرستو رسولو بهیر د ښه والي او چټکتیا په موخه باید د ارزونې کاري ستونزې حل شي.
په دې ناسته کې د وزارت د تېرو کاري کړنو او فعاليتونو یادونه وشوه او د مهمو کاري مسایلو لپاره مشخص پلاوي وټاکل شول.
