حقاني دګذر وکیلانوته؛ هېڅوک داحق نه لري چې داړمنو کورنیو نه په دې نوم پیسې واخلي چې موږ ستاسې عریضه وزارت ته سپارو
دغه خبره د مهاجرینو او راستنېدونکو چارو وزیر الحاج خلیل الرحمن حقاني چهار شنبه دمرغومي په (٨)مه په کابل ښارکې اړمنو کورنیو ته د خوراکي تو کي او ژمنیو لباسونو دوېش پرمهال وکړه.
دمهاجرینو او راستنېدونکو چارو وزیر الحاج خلیل الرحمن حقاني د دغو مرستودوېش پرمهال معلومات ورکړل ویې ویل،چې یادې کومکي کڅوړې دچین هېواد له لورې اړمنو کورنیو سره مرسته شوې او دمهاجرینو وزارت هڅه کوي،چې دغه مرستې په کابل او یوشمېر ولایتونو کې په شفاف ډول اړمنو کورنیو ته ووېشي.
هغه دګذرد وکیلانو او مسؤلینوڅخه غوښتنه وکړه چې دوزارت سره دې داړمنو کورنیو په سروې او پېژندلو کې همکاري وکړي ترڅومرستې په شفاف ډول ووېشل شي.
هغه زیاته کړه دګذر وکیلان اودسیمې مسؤلین دې داړمنو کورنیونه په دې نوم پیسې نه اخلي چې موږ ستاسې عریضې دمهاجرینو وزارت ته سپارو اوتاسې سره مرستې کوي، نومړي ټینګار وکړ که هرچا داسې عمل ترسره کړ نو قانوني کړنه به ورسره ترسره شي.
ددې سربېره لس زره نورو کورنیو دمرستو دترلاسه کولو په موخه خپلې عریضې دمهاجرینووزارت ته راوړي چې له یوې شفافې سروې وروسته به ورته په نږدې راتلونکي کې به ورسره بشري مرستې ترسره شي.
