بېځايه شوو ته دلاسرسي په موخه دهمکاريو درې هوکړه ليکونه لاسليک شول

داخلي دمهاجرينو او راستنېدونکو چارو وزارت داخلي بېځايه شووته دلاسرسي او خدماتو وړاندې کولوپه برخه کې دهمکاريو درې هوکړه ليکونه د (IRC) ، (ORD) او (ACTED) موسسې سره لاسليک کړل. دمهاجرينو او راستنېدونکو چارو وزارت په استازيتوب د وزارت دپلان او پالېسۍ رییس مولوي ارسلاح حقيار بغلانی ،د (ACTED) موسسې ريیس ښاغلی تايبالت لاروس،د ( ORD) موسسې مرستيال انجينر عبدالباري حميد او د((IRC) موسسې مرستيال محمد قرشي ترمېنځ يکشنبه دلړم په (٢٣) مه دهمکاريو درې هوکړه ليکونه لاسلیک شوچې له مخې به يې داخلي بېځايه شوو ته لاسرسی اوپاملرنه کېږي. د پلان او پالېسۍ رياست په وړاندې شوو معلوماتو کې راغلي چې داکتېد موسسې دهمکاريو بوديجه (٩٣٢) زره او(١٧٠) ډالره، (IRC) موسسې (٨٣٥) زره ډالره اود ( ORD) موسسې (١١٣) ميليونه، (٩٤٩) زره او (٧٥٠) افغانۍ ده