افغانستان کې د ایران سفارت سرپرست د مهاجرینو وزیر د شهادت په اړه تسلیت ووایه
په کابل کې د ايران د اسلامي جمهوريت د سفارت چارسمبالي علي رضا بيکدلي د مهاجرينو د چارو د وزارت مسلکي مرستیال ته په یوه پيغام کې د مهاجرينو او راستنېدونکو چارو د وزير الحاج خليل الرحمن حقاني په شهادت خواشيني څرګنده کړه او د نوموړي په پیغام کې داسې راغلي دي:
د افغان مهاجرینو او راستنېدونکو چارو وزارت مسلکي مرستیال محترم مولوی صاحب عبدالرحمن راشد!
زه تاسو او ستاسو همکارانو ته د هغې وروستۍ تروریستۍ پېښې له امله چې د افغانستان د مهاجرینو او راستنېدونکو چارو وزارت سرپرست حاجي خلیل الرحمن حقاني او نورو همکارانو خپل ژوند پکې له لاسه ورکړ، د تسلیت مراتب وړاندې کوم.
د ایران اسلامي جمهوریت لومړنی هېواد وو، چې پر مهاجرینو وزیر ترورستي برید یې وغانده او د افغانانو لپاره یې د یو اباد او سرلوړي افغانستان هیله څرګندوي او په دې برخه کې به له هیڅ ډول همکارۍ دریغ ونه کړي.
