په کاپيسا ولايت کې د راستنېدونکو لپاره د لنډمهاله میشت غالي د جوړولو په اړه غونډه وشوه
په کاپيسا ولايت د کډوالو په آمريت كې د هغو راستنېدونكو لپاره، چې سرپناه نه لري او يا يې سرپناه په بشپړه توګه ويجاړه شوې ده د لنډمهاله میشت غالي د جوړولو او پرانيستلو په موخه د همغږۍ غونډه د اړوندو ادارو د استازو په ګډون جوړه شوه.
د غونډې د غړو ترمنځ د خبرو اترو وروسته د اړوندو ادارو استازو د امنيت د تامينولو، د د لنډمهاله میشت غالي د ساحې د چمتو كولو، كاري پلان، خيمې، خوراكي مرستې، د څښاك د پاکو اوبو د برابرولو، سيار كلينيك، د اړتيا په صورت كې د ناروغانو د لېږد لپاره امبولانس او د روغتيايي كڅوړو د ويش په برخه كې خپلې همكارۍ او چمتووالي ډاډ څرګند كړ.