د مهاجرینو چارو وزارت او د اقاخان موسسې ترمنځ د همکارۍ هوکړه لیک لاسلیک شو
د مهاجرینو او راستنیدونکو چارو وزارت او د اغا خان موسسې ترمنځ د ۲۸۳ زره ۹۹۸ امریکایي ډالرو په ارزښت د همکارۍ هوکړه لیک لاسلیک شو.
د دې هوکړه لیک له مخې، دغه موسسه به پورتنۍ پیسې بدخشان، کندز، بغلان، تخار، بلخ، سمنګان، فاریاب، سرپل او جوزجان ولایتونو کې د خپل ډونر په مرسته د ځانګړو اړتياوو اړمنو د ارزونې او پېژندنې، د ٥٠٠ سولرونو د لېږد او نصب، او د تیارو شوو غير خوراکي توکو د لېږد او وېش په برخه کې لګوي، چې ۳ زره او ۷۰۰ کورنۍ به ترې ګټه واخلي.
دا هوکړه لیک د وزارت د مسلکي مرستیال مولوي عبدالرحمن راشد او د یادې موسسې د استازي له خوا لاسلیک شو.
