د کډوالو او راستنېدونکو چارو وزیر محترم مولوي عبدالکبیر د کونړ د علماوو شورا له رییس شیخ عبدالقهار او څو تنو علماوو سره وکتل

ښاغلي شیخ عبدالقهار، چې په کونړ کې زلزله ځپلیو ته د مرستو رسولو کمېټې مسوولیت هم پر غاړه لري، د وروستۍ زلزلې له امله د بېځایه شویو او له هغوی سره د مرستو په هکله معلومات شریک کړل او پر وینا یې چې بېځایه شویو ته د سرپنا ابادولو چارې روانې دي او د خیریه ادارو لخوا د پام وړ کورونو چارې بشپړې شوې دي.
ښاغلي شیخ عبدالقهار د تېرو څو کلونو په اوږدو کې ختیځو ولایتونو ته د ورستنو شویو هېوادوالو وړانديزونه له محترم وزیر سره شریک کړل او زياته یې کړه، چې پخواني راستانه  شوي د کډوالۍ اسناد له ځان سره لري، خو دلته نه دي ثبت شوي.
د نوموړي پر وینا د ثبت له لړۍ پاتې ځینې راستانه شوي دایمي سرپنا ته اړتیا لري او هیله یې څرګنده کړه، چې اسلامي امارت به ورته په ښارګوټو کې ځمکې ورکړي.
محترم مولوي عبدالکبیر د کونړ د علماوو شورا رییس او ورسره مل علماوو ته ښه راغلاست وویل او د کډوالو د ثبت اوسنۍ لړۍ ته په اشارې سره یې یادونه وکړه، چې له اړوندې کمېټې سره به همغږي وشي.
محترم وزیر همدارنګه د الهي پېښو له امله بېځایه شویو ته د مرستو پر جلب او رسونې ټينګار وکړ او په دې برخه کې یې د هڅو یادونه وکړه.