هرات کې د ځمکې د ترلاسه کولو لپاره د راستنېدونکو د نومليکنې پروسه پيل شوه
په هرات ولايت کې دمستحقو راستنېدونکو او بېځايه شوو دنومليکنې پروسه دکډوالو او راستنېدونکو چارو وزير سيد حسين عالمي بلخي، ځمکو داصلاح او ښارجوړونې مرستيال، دهرات دوالي مرستيال، لوړپوو مسؤلينو،يوآن هبيتات، سيمه اييزو ارګانونو دښارجوړونې مرستيال،دهرات ولايت ولايتي رئيسانو او يو شمېر راستنېدونکو په شتون کې پرانيستل شوه.
د ځمکې دوېش پروسه د ولسمشرۍ ماڼۍ د فرمان دتعديل له امله يو څه موده وځنډول شوه، خوددغه فرمان له تعديل او اړونده کړنلارې وروسته په هرات کې دځمکې ترلاسه کولو لپاره د راستنېدونکو دنوملکينې پروسه پيل شوه او تمه کېږي دغه پروسه ډېرژر په کابل کې هم پرانيستل شي.
وروسته د کډوالو او راستنېدونکو چارو وزير سيد حسين عالمي بلخي دهرات ولايت دمقام ،دځمکو د اصلاح او ښارجوړونې وزارت، يوآن هبيتات او نورو مرستندويه ادارو دهڅو څخه مننه وکړه ويې ويل، مخکې يې د ولسمشرۍ د ۱۰۴ ګڼه فرمان په اساس مستحقينوته ځمکې وېشلې،خو د ۱۰۴ ګڼه فرمان د ځينو ستونزو له امله لغوه شو،چې اوس يې ځای ۳۰۵ ګڼه فرامان نيولی دی.
دمستحقينو د پېژندلو کنسرسيوم، چې په سرکې يې دکډوالو چارو وزارت، درې دولتي او درې نړيوالې ادارې شتون لري، د مستحقينو پېژندل په غاړه لري، چې وروسته د پېژندلو دوی د ځکمې پېژندلو کمېسېون ته دمعيارونو مطابق په نظر کې نيول شوي، په راس کې يې دځمکو داصلاح او ښارجوړونې وزارت قرارلري ورپېژندل کېږي او ددې کمېسېون له لارې خپلې ځمکې تر لاسه کولای شي.
په ورته وخت کې دکډوالو او راستنېدونکو چارو وزير سيد حسين عالمي بلخي د راستنېدونکو د نومليکنې د پروسې څخه وروسته د شورا برنامې دبېلابېلو اماده شوو برنامه او د راستنېدونکو د نومليکنې د دفترونوڅخه ليدنه وکړه او کارکوونکو ته يې د راستنېدونکو د نومليکنې د کار په برخه کې د صداقت او رښتينوالۍ په اړه لارښوونې وکړې.
