د مهاجرینو چارو وزارت اداري ناسته وشوه
د مهاجرینو او راستنېدونکو چارو وزارت اونیزه اداري ناسته د رییسانو او مسولینو په شتون کې وشوه.
ناسته د دغه وزارت د مالي او اداري مرستیال شیخ کلیم الرحمن فاني په مشرۍ د قران عظیم الشان د څو مبارکو ایتونو په تلاوت پیل شوه او د تېرې ناستې د موضوعاتو په تعقیب خبرې اترې وشوې.
د وزارت مالي او اداري مرستیال د خپلو خبرو په یوه برخه کې په ورځنيو کارونو کې له بیت المال څخه د استفادې په برخه کې مسولینو ته لازمې سپارښتنې او لارښوونې وکړې او دغه راز نوموړي پر دقیقو، اغېزناکو او چټکو چارو ټینګار وکړ.
