له موسسو سره د هوکړې له مخې به په ميدان وردګو ولايت کې د سېلاب مصدومين سره نورې مرستې هم وشي

    دغه خبره د مهاجرينو چارو وزارت مالي او اداري مرستيال الحاج محمد ارسلاح خروټي د وزارت د اطلاعاتو او عامه اړېکو رياست خبريال ته په يوې مرکې کې وکړه.
     ښاغلی خروټي، چې تېره ورځ يې د يو پلاوي په مشرۍ د جلريز ولسوالۍ د سېلاب ځپلو سيمه څخه ليدنه وکړه وويل، چې د زيانونو کچه لوړه ده او په زياترو سيمو کې د سېلابونو د راوتلو او ويجاړ شوي کورونو دخټو اوخاورو د راټولېدو  له امله، .مواصلاتي لارې بندي شوي دي
هغه زياته کړه، د ژغورنې ډله  سره له دی چی د روغنياتو له کمښت سره مخ ده، خو په خپلو ماشينريو په واسطه فعاليت کوي او د مهاجرينو چارو وزارت د دوی د ستونزو د حل په موخه نن ۵ زره لېتره تېل د جلريز ولسوالۍ ته لېږلي او هڅې روانې دي، چې له مرستندويه ادارو سره په همغږۍ لازمې مرستې برابرې او مصدومينو ته يې ورسوي.
د ويلو ده، چې د تېرې يکشنبې شپې سېلابونو د ميدان وردګو ولايت په جلريز، چک، سيدآباد، جغتو، دايميرداد، جلګې ولسوالۍ او مرکز شاوخوا سيمو کې ۲۵ تنه شهيدان شوي، ۴۰ تنه لادرکه او لسګونه نور ټپيان شوي دي.
د ترلاسه شوو معلوماتو له مخې سېلابونو تر ټولو زيات تلفات د ټکانه، تيشه، رويان درې، زيارت درې، جای غني او د جلريز په لالي قلعه کې اړولي دي.
په يادو سيمو کې د مرګ ژوبلې سربېره ۳۰ کورونه بشپړخراب شوي، ۸۰ په جزوي توګه ويجاړ شوي او دا احتمال هم شته چې د مرګ ژوبلې شمېر نور هم زيات شي.