مالي او داري مرستيال، د باميانو ولايت د مهاجرينو آمريت کړنې وڅېړلې
د مهاجرينو او راستنېدونکوچارو وزارت مالي او اداري مرستيال الحاج محمد ارسلاح خروټی د تلې په (۱۸) مه د باميانو ولايت د مهاجرينو آمريت د کړنو د څېړنو په موخه دغه ولايت ته ولاړ.
ښاغلي خروټي د باميانو ولايت د والي عبدالله سرحدي سره په ليدنه کې په دغه ولايت کې راستنېدونکو او بېځايه شوو ته د خدماتو په په وړاندې کولو او د ستونزو د حل په اړه خبرې وکړې.
همدارنګه خروټي د باميانو ولايت د مهاجرينو آمريت څخه ليدنه وکړه او ددغه امريت د کړنو د ارزونې پرمهال يې د ياد آمريت د کار کوونکو ستونزې او ننګونې واورېدې او د چارو د لا ښه والي په موخه يې ورته لازمې لارښوونې وکړې.
په پام کې ده، چې د مهاجرينو چارو وزارت مالي او اداری مرستيال د همغږۍ او همکاريو په ناسته کې چې د اړوندو بنسټونو د مسؤلينو او دولتي ادارو د رئيسانو سره ترسره شي، ګډون او خبرې وکړې.
ښاغلی خروټی سره په دغه سفر کې يوشمېر مرکزي رئيسان هم مل دي.
