د کډوالو او راستنېدونکو چارو وزیر محترم مولوي عبدالکبیر د پکتیا له والي مولوي مهرالله حماد سره وکتل

ښاغلي مولوي مهرالله حماد، پکتیا ته د ورستنو شویو د وضعیت او ستونزو په اړه محترم مولوي عبدالکبیر ته معلومات ورکړل او زیاته یې کړه، چې د ژمي تر رارسېدو وړاند، د مرکز ګردیز په ګډون، په څو ولسوالیو کې د راستنو شویو د ژوند د حالت ارزونه شوې او اړتیاوې یې په ګوته شوې دي.
ښاغلي والي په پکتیا کې د راستنو شویو د ستونزو د حل په موخه د وړانديزونو شریکولو پر مهال وویل، چې په دغه ولایت کې راستانه شوي هېوادوال خوراکي توکو، ژمنیو جامو، خېمو او نغدو پیسو ته اړتیا لري.
نوموړي همدارنګه په پکتیا ولایت کې د کډوالو چارو ته پر وخت رسېدنې په موخه هم وړانديز شریک کړ.
محترم مولوي عبدالکبیر د پکتیا والي ته ښه راغلاست وویل او د راستنو شویو او داخلي بېځایه شویو ستونزو ته د رسېدنې په برخه کې یې د هغه هڅې وستایلې.
محترم وزیر وویل، چې د ژمي تر رارسېدو وړاندې د کډوالو چارو وزارت لخوا ځینو بېوزلو راستنو شویو ته د مرستو لړۍ پیل شوې او په پاتې سیمو کې به هم پلې شي.
محترم مولوي عبدالکبیر یادونه وکړه، چې ژر تر ژره به پکتیا ته خېمې او کمپلې ولېږل شي او همدارنګه د خوراکي توکو او نغدي مرستو د چمتو کولو په موخه به له اړوندو ادارو سره همغږي وکړي.