د مهاجرینو چارو وزارت مسلکي مرستیال فاریاب کې د مهاجرت نړیوال سازمان له استازي سره وکتل
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد په فاریاب ولایت کې د مهاجرت نړیوال سازمان له استازي سره وکتل.
د دغه سازمان استازي د خپلو مرستو او همکارۍ په اړه د وزارت مسلکي مرستیال ته معلومات ورکړل او ويې ويل: د مهاجرت نړيوال سازمان دنده دا ده، چې د هغو مهاجرينو پوښښ وکړي چې له ايران، پاکستان، ترکيې او نورو هيوادونو څخه افغانستان ته راستانه شوي دي.
او د زیانمن شویو کورنیو لپاره سروې، نغدي مرستې، غیر خوراکي توکي او ژمنۍ مرستې او خپلو سیمو ته لېږد وکړي.
ښاغلي راشد د موسسو د کړنلارې پر بنسټ د دغه سازمان د فعالیت او د مهاجرينو چارو له رياستونو سره یې پر همغږۍ ټينګار وکړ.
