د قطر سرې میاشتې او د مهاجرینو چارو وزارت ترمنځ تخنیکي غونډه وشوه.
د قطر سرې میاشتې او د مهاجرینو او راستنېدونکو چارو وزارت تر منځ د وزارت د پلان او پالیسۍ رییس مولوي محمود الحق احدي په مشرۍ تخنیکي غونډه وشوه.
په دې غونډه کې د قطر د سرې میاشتې عملیاتي غړي احمد العثماني او د وزارت یو شمېر مرکزي رئیسانو ګډون کړی و، په یاده غونډه کې په پکتیا ولایت کې د مهاجرینو د ښارګوټي د جوړولو د عملي کار د پیل په اړه بحث وشو.
د مهاجرینو چارو وزارت د پلان او پالیسۍ رییس د قطر سرې میاشتې له مرستې څخه مننه وکړه او د بشپړې همکارۍ ډاډ یې ورکړ.
ټاکل شوې ده چې د قطر سرې میاشتې اداره په پکتیا ولایت کېد بې ځایه شویو، راستنېدونکو او مستحقو کورنیو لپاره د لسګونو سرپناوو جوړولو کار ډېر ژر د دې وزارت سره په همغږۍ پیل کړي.
