د راستنېدنې رئیس د سره صلیب او سرې میاشتې د نړۍوال فدراسیون له مسؤل سره ولیدل
د وزارت د راستنېدنې او بیا یو ځای کېدنې رئیس مولوي شاکرالله شاکر د سره صلیب او سرې میاشتې د نړۍوال فدراسیون له مدیر ښاغلي راک الحدیت سره پخپل کاري دفتر کې ولیدل.
په دې لیدنه کې د دواړو اړخونو ترمنځ د هغو راستنېدونکو په اړه خبرې اترې وشوې، چې له فرضي کرښو څخه هېواد ته راستنېږي.
د راستنېدنې رئیس د هغو له همکارۍ مننه وکړه او ویې ویل :نور معلومات به په راتلونکو ناستو کې له دوی سره شریک شي.
د وزارت د داخلي بې ځایه شوو وضعیت ته رسېدنې رئیس مولوي سردار شیرزاد هم په ناسته کې شتون درلود؛ هغه هم د مهاجرینو په برخه کې د یاد فدراسیون د همکارۍ ستاینه وکړه او د دوی او نورو ورته بنسټونو د لا همکارۍ هیله یې څرګنده کړه.
