پکتیا: د دوو قومونو ترمنځ د لانجمنو ځمکو حدونه وکتل شول
د مهاجرینو او راستنېدونکو چارو وزارت سرپرست الحاج خلیل الرحمان حقاني په مشرۍ د علماو او قومي مشرانو جرګې د دوو قومونو، نکې ځدراڼ او شمل ځدراڼ ترمنځ د لانجمنو غرونو حدونه د دویم ځل لپاره وکتل
یادې ځمکې چې له تېرو نږدې ٣٠ کلونو څخه ددواړو قومونو ترمنځ پرې شخړه ده او ددواړو لوریو ترمنځ تر ٣٥ کسان هم پکې وژل شوي، د مهاجرینو چارو وزیر ته د منځګړتوب او واک له سپارلو وروسته یې د علماو او قومي مشرانو په ملتیا هر اړخیزه څېړنه وشوه، چې په نږدې راتلونکې کې به د جرګې پریکړه دواړو لوریو ته واورول شي
