کډوالو وزارت کې بېځايه شوو سره دمرستودهمغږۍ او وېش په اړه ناسته وشوه

د کډوالو او راستنېدونکو چارو وزارت  سرپرست او نوماند وزير نورالرحمن اخلاقي د انلاين خبرو اترو له لارې د (OCHA)  دفتر د مسؤلينو، استازو  او د کډوالو وزارت مسؤلينو سره د هېواد په يوشمېر برخوکې د بېځايه شوو وضعيت او دوی  ته د مرستو وېشل وڅېړه.

په دغه انلاين مرکه کې د (OCHA) دفتر مرستيال دانيل او ددې ادارې سيمه ييز کارکوونکي په شمال، شمال شرق او دهېواد په سويل کې د بېځايه شوو ، سروې او دوی ته دمرستو دوېش په اړه ښاغلي اخلاقي ته معلومات ورکړل. د (OCHA) د سيمه ييزو کارکوونکو په خبره د وروستيو جګړو له امله له د ۵۰۰۰  زياتې کورنۍ په هلمند، کندهار، ارزګان، تخار او بغلان کې بېځايه شوي او تر اوسه سلګونه بېځايه شوې کورنۍ سروې شوي او په يوشېمر سيموکې مرستې شوي او تمه کېږي چې په راتلونکو دوو ورځوکې زياتوکورنيوسره مرستې ترسره شي.

همدارنګه دوی په ولايتونو او ولسواليوکې کمبوديانو او شته ستونزو يادونه وکړه او د کډوالو چارو وزارت څخه يې د همکاريو غوښتنه وکړه.د کډوالو او راستنېدونکو چارو وزارت سرپرست وزير  د سروې او مرستو په برخوکې د همکارو ادارو او د کډوالو د ولايتي رياستونو ترمنځ د موجوده همغږيو مننه وکړه ويې ويل، زموږ موخه بېځايه شوو خلکوته دخدمتونو وړاندې کول دي او موږ له مخکې څخه ډېر کار کولو ته اړتيا لرو، راځئ چې ښه همغږي او د شته نيمګړتياو له منځه وړلو لپاره اقدام وکړو.

هغه په کندهار او هلمند ولايت کې د سروې د کړندي کېدلو ستاينه وکړه زياته يې کړه، د کډوالو وزارت چمتو دی چې له مرستندويه بنسټونو سره بشپړه همکاري وکړي او هڅه کوي  ژر ترژره او په وخت سره خدمات وړاندې کړي.