د پناه غوښتونکو مرستيال په افغانستان کې د ډنمارک د کډوالو کمېټې له رئيس سره وليدل
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د لړم په ۱۲مه په افغانستان کې د ډنمارک د کډوالو کمېټې له رئيس جارد راول سره وليدل.
ښاغلي کاکړد داخلي بېځايه شوو او راستنېدونکو سره د دغه سازمان د ژمنو نه مننه وکړه او د DRC نقش يې د اضطراري ځواب ويلوميکانيزم کنسرسيوم په توګه ياد کړ.
دواړو لوريو دکډوالو د وضعيت په ښه والي کې د لا همکاريو ژمنه وکړه. په ورته وخت کې ښاغلي کاکړ د کډوالو وزارت سره ددې قونسولګرۍ د لا همغږۍ غوښتنه وکړه.
سربېره پردې د کډوالو او راستنېدونکو چارو وزارت د پناه غوښتونکو مرستيال په ټول هېواد کې د داخلي بېځايه شوو او راستنېدونکو سره د مرستو لپاره د دغه وزارت پردوامداره هڅو ټينګار وکړ زياته يې کړه، چې وزارت د پروژو رهبرۍ او همغږۍ پياوړي کولو ته ژمن دی.
