د مهاجرینو چارو وزیر د شینوارو او مومندو قومونو له مشرانو سره ولیدل
د مهاجرینو او راستنېدونکو چارو وزیر الحاج خلیل الرحمان حقاني ننګرهار ولایت ته د خپل سفر په ترڅ کې د شینوارو او مومندو قومونو له مشرانو او علماو سره په غني خیلو ولسوالۍ کې ولیدل
ښاغلي حقاني په پیل کې د ننګرهار ولایت شهیدانو ته فاتحه وکړه او ددغه قومونو ستونزې یې واورېدې او ډاډ یې ورکړ، چې ددوی ستونزو ته به رسیدګي وکړي
نوموړي د خپلې وینا پرمهال وویل ډیموکراسي د افغانستان لپاره یوه ناوړه پدیده وه، چې له بهره راوارده شوه او مونږ ته یې بې شمېره کونډې، یتیمان او بې وزلي په میراث پرېښوده
نوموړي زیاته کړه، مونږ او تاسو باید خپلمنځي ټولې شخړې د اصلاح او جرګې له لارې حل کړو "ا.ا. پرېږدئ، چې د پرمختګ او بیا رغونې کارونه وکړي تاسو خپلې شخړې پخپله په مشرانو او سپین ګیرو حل کړئ "
حقاني وویل: ا. ا. به هیڅکله د شهیدانو په وینو او ارمانونو معامله ونکړي او مونږ به خامخا د شهیدانو د کونډو، یتیمانو او حتی د تېرې ادارې د وژل شوو د یتیمانو هم لاسنیوی کوو
د شینوارو او مومندو مشرانو د حقاني صیب په ورتګ باندې خوښي څرګنده کړه او له نوموړي یې مننه وکړه، چې سره له ډېرو بوختیاو یې ددوی له نږدې پوښتنه وکړه او ددوی ستونزې یې واورېدې
