د مهاجرینو چارو وزیر د بامیان د مهاجرینو آمریت له کار کوونکو سره ولیدل
د مهاجرینو او راستنېدونکو چارو سرپرست وزیر الحاج خلیل الرحمن حقاني او ورسره مل پلاوي د پلان او پالیسۍ رئیس مولوي محمود الحق د اطلاعاتو او عامه اړیکو رئیس مفتي عبدالمطلب حقاني د بامیان ولایت د مهاجرینو چارو آمريت څخه لیدنه وکړه او د هغوی غوښتنې او وړاندیزونه یې له نږدې واورېدل
ښاغلي حقاني ددغه ریاست له کارکوونکو سره د ناستې پرمهال په اخلاص، اطاعت، روڼتیا، د کاري بهیر په چټکتیا، له وزارت او ولایتي ادارې سره همغږي، د شریعت پابندي او نورو اړینو اصلاحاتو په رامنځته کولو ټینکار وکړ
د بامیان د مهاجرینو امر مولوي فضل عمر رحماني ښاغلي حقاني ته د آمریت د فعالیتونو په اړه معلومات وړاندې کړل او د چټکتیا او روڼتیا په اړه یې ډاډ څرګند کړ
په پای کې د ریاست کارکوونکو خپلې ستونزې او مشکلات شریک کړل، چې د حقاني صیب له لورې د حل ډاډ ورکړل شو
