دپالېسۍ او پرو ګرامونو دپلي کېدو مرستیال دملګرو ملتونو دکډوالو ادارې دشرقي زون د دفتر مسؤل سره لیدنه وکړه

 دکډوالو او راستنېدونکو چارو وزارت دپالېسۍ او پرو ګرامونو دپلي کېدو مرستیال شېرعلم امله وال دغبرګولي په ١٦مه دملګرو ملتونو دکډوالو ادارې دشرقي زون د دفتر له مسؤل سره لیدنه کړې وه  او په دغه ولایتونو کې دمېشتو راستنېدونکو او داخلي بېځایه شوو وضعیت ته درسېدو په موخه یې خبرې وکړې.

په دې ناسته کې د دملګرو ملتونو دکډوالو ادارې مسؤل د داخلي بېځایه شویو او راستنېدونکو لپاره د مدیریت او پاملرنې په برخه کې د هغه د فعالیتونو او برنامو په اړه معلومات ورکړل او د ختیځ زون د کډوالو چارو ریاست سره یې د دفتر په ښې همغږۍ خوښي څرګنده کړه. ښاغلي امله وال دملګرو ملتونو دکډوالو ادارې څخه مننه وکړه چې په ختیځ زون کې راستېدونکو او داخلي بېځایه شوو ته خدمات وړاندې کوي اود UNHCR پراختیایی برنامو په زیاتوالي ټینګار وکړ او زیاته یې کړه چې "د بشردوستانه برنامو سربیره دا دی. په ختیځو ولایاتو کې د تعلیمي او صحي مراکزو د جوړولو په ساحه کې د پرمختیايي برنامې پلي کول اړین دي ، ترڅو بې ځایه شوي ماشومان او راستنیدونکي وکولی شي دروغتیايي خدمتونو او ښوونیزو برنامو څخه برخمن شي.

22